جاڭا نىساننىڭ قۇرىلىس الاڭىنداعى كاپسۋلا سالۋ راسىمىنە ءوڭىر باسشىسى ەربول قاراشوكەەۆ قاتىستى.
ءىس-شاراعا «سامۇرىق-قازىنا» اق باسقارما توراعاسى نۇرلان جاقىپوۆ پەن فرانتسيانىڭ قازاقستانداعى توتەنشە جانە وكىلەتتى ەلشىسى سيلۆان گيوگە, سونداي-اق TotalEnergies كورپوراتسياسىنىڭ جاڭارتىلاتىن ەنەرگيا كوزدەرى باعىتى بويىنشا ۆيتسە-پرەزيدەنتى وليۆە جۋني بەينەبايلانىس رەجيمىندە قاتىسىپ, قۇتتىقتاۋ ءسوز سويلەدى.
جي-ءدى دامىتۋ ءۇشىن ەلەكتر ەنەرگياسىنىڭ مول قورى كەرەك: ساراپشى ءتۇسىندىردى
ءوز كەزەگىندە وبلىس باسشىسى مويىنقۇم اۋدانىندا جۇزەگە اسىرىلاتىن جەل پاركى ءوڭىردىڭ ەكونوميكالىق الەۋەتىن ارتتىرىپ, ەل ەنەرگەتيكاسىنىڭ دامۋىنا سەرپىن بەرەتىنىن اتاپ ءوتتى.
«جاڭارتىلاتىن ەنەرگيا كوزدەرىن دامىتۋ – مەملەكەت ساياساتىنىڭ ستراتەگيالىق باعىتتارىنىڭ ءبىرى. پرەزيدەنت قاسىم-جومارت توقاەۆ جاسىل ەنەرگەتيكانىڭ ۇلەسىن ارتتىرۋعا ەرەكشە ءمان بەرىپ كەلەدى. تابيعي الەۋەتى جوعارى مويىنقۇم ءوڭىرى ەندى ەلىمىزدىڭ ەنەرگەتيكالىق دامۋىندا ماڭىزدى ورىن الاتىن الاڭعا اينالماق», دەدى ەربول قاراشوكەەۆ.
جوبانى «اقتاس ەنەردجي» جشس جۇزەگە اسىرۋدا. قۋاتتىلىعى – 1 گۆت, ينۆەستيتسيا كولەمى – 620 ملرد تەڭگە. سونىمەن قاتار قۋاتى 300 مۆت / 600 مۆت·ساع بولاتىن ەنەرگيا جيناقتاۋ جۇيەسى قاراستىرىلعان. جوبا سەرىكتەستەرى قاتارىندا TotalEnergies (فرانتسيا), «قازمۇنايگاز» جانە Samruk Energy بار.
